Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Trochiscanthes nodiflora

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Troquiscanto

Trochiscanthes nodiflora

Apiaceae Umbelliferae

Nom en français : Trochiscanthe nodiflore.

Descripcioun :
Grando planto que trachis dins li faio e li sapiniero, à mita à l'oumbro. Douno un pau d'èr à la cournacho (angelico), mai pu primo e proun ramificado. Se recounèis peréu emé si fueio grandarasso 3 à 4 cop divisado pèr tres. Li brout (oumbello) an de 4 à 8 rai sènso fueioun (invoulucre), e li fru, de 4 à 6 mm porton de costo. Mounte s'atrovo, n'i'a bèn, autramen èi pulèu raro.

Usanço :
D'ùni la bouton, pèr sa bèuta, dins li jardin. Parèis qu'es estado utilisado pèr ajuda à digeri, de vèire.

Port : Grando erbo
Taio : 1 à 2 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Trochiscanthes
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : 4 mm
Flourido : printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Faio - Sapiniero - Mountagno mejano
Estànci : Mountagnard
Couroulougi : Ouroufito-Sud-Éuropo
Ref. sc. : Trochiscanthes nodiflora (All.) W.D.J.Koch, 1824

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Trochiscanthes nodiflora

ges

Coumpara Lambrusco(-bastardo) emé uno autro planto

Coumpara Troquiscanto emé uno autro planto